సురేఖతో కలిసి అమెరికా వెళ్తున్నా: చిరంజీవి

మెగాస్టార్ చిరంజీవి ప్రస్తుతం తన తాజా చిత్రం 'విశ్వంభర' షూటింగ్ లో బిజీగా ఉన్న సంగతి తెలిసిందే. ఈ సినిమా కోసం ఆయన రెండు వారాల పాటు షూటింగ్ లో బిజీగా గడిపారు. తాజాగా షూటింగ్ కు ఆయన చిన్న బ్రేక్ ఇచ్చారు. తన భార్య సురేఖతో కలిసి ఆయన హాలిడే ట్రిప్ కు అమెరికాకు బయల్దేరారు. ఈ విషయాన్ని ఆయన ఎక్స్ వేదికగా స్వయంగా వెల్లడించారు. 

తన అర్ధాంగి సురేఖతో కలిసి షార్ట్ హాలిడే కోసం అమెరికాకు వెళ్తున్నానని చిరు చెప్పారు. యూఎస్ నుంచి వచ్చిన వెంటనే 'విశ్వంభర' షూటింగ్ లో పాల్గొంటానని తెలిపారు. అందరికీ వాలెంటైన్స్ డే శుభాకాంక్షలు కూడా తెలియజేశారు. ఫ్లైట్ లో వెళ్తున్న ఫొటోను షేర్ చేశారు.